Sexualitate askearen aldarria atzematen da ene margolanetan

16 Décembre 2011 | Ipar Euskal Herriko Hitza

Kalostrapeko erakustaldia hasi orduko kendu duzu. Zergatik?

Deus baino lehen, eskerrak eman nahi dizkiet Kalostrape eta Ttirritta ostatuei. Haien lanbidea ez da arte erakusketak hartzea, baina, hala ere, ateak irekitzen dizkiote arteari. Ongi jokatu dute nirekin. Erreserbatu nuelarik gela, duela urte eta erdi,Inkontzientearen adierazpenalanarekin ari nintzen, arte abstraktu-figuratiboaren muga horretan. Gustatu zitzaien, eta eskaria onartu zidaten. Bitartean, nire egoera aldatu da, eta ene sorkuntzak ere bai. Ekainetik aitzina serie berri hau prestatzen hasi nintzen. Gizonak biluzik ageri dira, eta margo erotikoak dira gehienak. Omen, horrek eragin du batzuen haserrea.

Aurkezpenean erraten zenuen emozioak eragin nahi zenituela. Jende batzuk asaldatzea zen helburua?

Artista naizen unetik, ez dut egin nahi emoziorik sortzen ez duen zerbait. Ez dira altzariak. Artistak terapia iraunkorrean gara, gu garelako geure psikologoak. Nire egoera pertsonalak eraman ninduen adierazteko behar jakin batera. Espetxeak eta urruntzeak bikotekidea eta biok berezi gaituzte. Bi urte pasatu dira, baina hiru falta oraindik elkartu arte. Margoak haren presentzia ekarri dit etxera. Sexualitate askearen aldarria atzematen da nire margolanetan. Hori egiten delarik, puritanismoarekin eta atzerakoiekin talka egiten da.Xirikaren garaian antzeko zerbait gertatu zitzaidan.

Emazteen irudiak balira edo margolaria emaztea izan balitz, kontrako jarrerak horren sutsuak ziratekeen?

Ez dakit. Jendeak ez daki zergatik egin den gisa horretako sail bat, ez nork egin duen. Batzuk erakusketara sartu, eta atera ziren berehala. Jasangaitza zitzaien. Aste batez atxiki dute Kalostrapen, baina nolabait bezero batzuek xantai ekonomikoa egin zieten, erakusketa hor zegoen bitartean ez zirela sartuko erranez. Azkenean, Kalostrapekoek erran zidaten 22 margoen gain bederatzik arazoa eragiten zutela. Hori ikusirik, nahiago izan dut kendu eta Uztaritzeko Ttirritta ostatura eraman.

Erakusketa egiterakoan helburu batzuk finkatu zenituen. Lortu dituzu?

Alde batetik, plazer handiz egin ditut margoak. Aitzineko segidarekin lotura egin nahi nuen. Horretan, kolore masekin ibili nintzen. Geroan ohartu nintzen ez ninduela betetzen, eta emeki-emeki gorputza eta kolorea ematen hasi nintzen. Nahiz eta arte figuratiboan sartu eta alde horretatik deus berririk ekarri ez, poztu ninduen. Pixkanaka haragizkoagoa bihurtu da lana, eta kontent naiz emaitzaz. Jende batzuek ere gozatu dituzte ene margoak, eta plazer ematen du. Zirikatu nahi nituen horiei dagokienez, helburua lortu dut, haiengan emozioak eragin ditudalako. Haiek erabaki dute debekatzea. Jarrera hori nire gorputz biluziak baino bortitzagoa da. Izugarrizko gabezia dago gizonezkoen gorputz biluziekin. Elizak landu duen moralaren emaitza da. Garai batean eskulturetako zakilak mailuz hausten zituzten. Kapitalismoak ildo hori garatu du. Emazte biluziak balio du auto bat saltzeko. Gizon batenak gibelera eragiten du. Emaztea objektu gisa hartzen dute; aldiz, gizona trauma bihurtzen da. Ezin da zakil bat ikusi. Telebistan egunero ikusten dira hildakoak. Horrek ez die kezkarik eragiten. Amatxi edo haurrak aipatzen dituzte estakuru gisa, gizonen gorputz biluziak ez ikusteko. Baina nik lortu dut erakustea bezero atzerakoi horiek hor direla, pentsamendu librean bizi garela. Naziotasuna, hizkuntza, askatasun guztiak debekatzen zaizkigu, eta orain artea ere bai.

Noiz hasi zinen margotzen?

Betidanik egin dut, baina ofizio gisa, 2009tik. Horretarako ikasketak egin nituen. Errebeldea naiz, eta ez zait axola jendeak nitaz zer erraten duen. Egiteko gogo dudana eginen dut, eta uhinak eragiten baditut, lagunduko du mentalitateak aldatzeko. Batzuek erranen dute ez dela eraginkorra, hesiak sortu dituelako. Baina denbora berean erran dezaket mentalitateak inarrosi ditudala. Grafismo ikasketak egin nituen. Nire lagunak ere bultzatu ninduen margotzera. Beraz, 2009an gehiago produzitzen hasi nintzen. Hastapenean, nora ezean, artista gehienak bezala. Ez nuen estilo jakin batean hertsi nahi. Lan ardatz bat hartu behar da, hala ere. Hastapenean argazkietan oinarritu nintzen. Gerora lortu nuen jauzia egitea, etaInkontzientearen adierazpenaekoitzi nuen, nire lehen margo segida izan zen. Hogeita hamar lan inguru zituen.Arrak eta garrakbigarren segida da, eta 22 margolan ditu.

Bananduak direnei eta preso politikoen familiei eskaini diezu erakusketa. Zergatik?

Nire egoera pertsonala hori delako. Erakusketa ez da sexua hutsean erakusten duen zerbait. Bizipen batean oinarritzen da. Erakusketak berak arazo bat adierazten du. Eta arazo hori banaketa da. Anitz gara egoera horretan. Batzuek biziki gaizki bizi dute hori, konplexu bihurtzen da, obsesio. Alta, sexualitatea gure ongizaterako behar-beharrezkoa da. Haiei eskaini nahi nien, preso politikoei. Ideia politikoengatik daude preso, askatasunaren alde borrokatzeagatik.

| consulter


Ttok:%20artistentzat%20erakusleiho%20berri%20bat%20Uztaritzen

Ttok: artistentzat erakusleiho berri bat Uztaritzen

13 Novembre 2019 | Gure Irratia

Erakusketa gela berri bat bada Uztaritzen (Labourd jatetxearen ondoan), Ttok deitzen dena.
| consulter

Yves%20Matxikote%20ou%20lart%20vu%20en%20rose

Yves Matxikote ou l’art vu en rose

10 Novembre 2014 | Sud-Ouest

Yves Matxikote, dont le nom de créateur est "iF", était l’un des quatre invités de l’exposition nommée "GazteKaitza" et organisée par l’association Itzal Aktiboa à la prison des Évêques de Donibane Garazi jusqu’au 1er novembre. Il présentait là sa série d’acryliques sur bois, baptisée en basque "Isilduak" (soit, en français, "ceux que l’on tait").
| consulter

ZAZPI emankizuna

18 Juin 2012 | Kanaldude

Rencontre avec If Matxikote, artiste peintre d'Ustaritz. Émission de juin 2012
| consulter

Arrak%20eta%20garrak:%20chronique%20dune%20censure

Arrak eta garrak: chronique d’une censure

10 Décembre 2011 | Le Journal du Pays Basque

Une semaine. C’est le temps qu’aura duré l’exposition inaugurée le 7 décembre dans un bar-restaurant de Bayonne. Pire encore, l’exposition a dû être démontée le lendemain du vernissage. Il nous faut bien admettre qu’au XXIe siècle, la censure existe encore.
| consulter

Les%20males%20fantasmes%20dYves%20Matxikote%20contraints%20a%20se%20retirer

Les mâles fantasmés d’Yves Matxikote contraints à se retirer

9 Décembre 2011 | Le Journal du Pays Basque

L’exposition d’Yves Matxikote, dit iF, au Kalostrape aura résisté une semaine à la censure. Son travail Arrak eta garrak, traduisez "Mâles et fantasmes", a affronté la pudibonderie, mais a perdu. "Cette bataille, mais pas la guerre", précise l’artiste. La pomme de la discorde, les tableaux de l’artiste mettant en scène des hommes "sous le coup de l’émotion", comme il le dit lui-même, autrement dit en érection ou au repos. Certains clients du restaurant auraient refusé de manger sous un de ses tableaux, voire auraient quitté le Kalostrape.
| consulter

iF artista lapurtarraren lanak, Zelai Arizti Kultur Etxeko erakustokian

27 Septembre 2011 | Goierriko Hitza

Erretzailea, akrilikoa oihal gainean Yves Matxikote iF ezizena erabiltzen duen artistaren margolanak ikusgai jarriko dituzte ostiraletik aurrera, Zelai Arizti Kultur Etxeko areto nagusian. Zumarragara ekarriko dituen lanak hiru motatakoak iza...
| consulter

Contact