Adar lotuak (2009-2021)
2021eko Urriaren 29a > 2021eko Azaroaren 26a
Aranburu jauregia
Tolosa (Gipuzkoa)
ORDUTEGIA: asteartetik larunbatera, 17:30-20:30
Aranburu Jauregira iristeko hemendik klikatu.
--------------------
(katalogoko aurkezpena)
iF-ek (Uztaritze, 1977) gogoeta eta ideia trukerako katalizatzaile bihurtzen du Arte-sorkuntza, hargatik da berea askatasunaren artea. Asmo hori bete ahal izateko, obrak edukiz eta zentzuz betetzen ditu. Ezinbestez bere bizipenetatik abiatzen bada ere, unibertsalak diren gaiak lantzen ditu artistak: maitasuna, sexualitatea, hutsunea, normak eta legedia, boterea, hirigintza eta jendarte antolaketa, hizkuntza, aktualitate politikoa… horren guztiaren hari zapalkuntzak eta askatasuna direlarik.
2010eko Inkontzientearen Adierazpenak goiburudun serie erdi-figuratibo biegonkorrean agertzen den mundu irakurketan dena dago jadanik: kasik tribala izaterainoko kolore bizia bezala forma xelebreak dakarzkien marra ilustratzailea. Politikoa, poetikoa, maitasunezkoa, egunerokoa… edozertarikoa da gaia.
Arrak eta Garrak seriea (2011) salbazio bakartia da, preso atxikia den maitaleari egindako desio aitormena: forma uzkurrak, adoretsuak, puztuak, suzkoak, prometeikoak… gorpuztu dira, hitzez hitz; haragia goratzen da pigmentuekin amesten duen desioaren kritika bitarteko.
Isilduak seriearekin (2012-2019) akrilikoaren hedapen-isuria dator, baina zur gainean. Teknika eta gaia liskarrean dabiltza: margoak aske askatasun eza adierazten, ironia bete-betean. Maitasunak salaketari pasa dio lekukoa.
Arestiko adar horrek adar-begi berriak kimatu ditu. Hirisilduak serieak isilduen zikiratze-erreinua grabatu eta moldatu du, bizia biribilgunetan katramilatua balego bezala kale itsuetan amaitzeko. Amalurra paisaia berdindu artifiziala bilakatu da, ttitta zuriek eritasunaren iturria salatzen dutelarik. Bestetik, Zaindariak multzoko obrak jendarte kontsumistaren aldarean sakrifiziorako itxaron-zerrendan dauden kulturen eta hizkuntzen ordezkari mututuak dira.
Horiei denei kasik naturalki batzen zaizkie aktualitateari loturiko Hitzarako marrazkiritziak.
Erakusketa honetan, artista lapurtarraren azken hamabi urteotako laurogei pieza baino gehiago dituzu ikusgai. Ikusgai ala gogoetagai?
Lehengo erakusketak
GaztEKaitza II
2019ko Urriaren 1a > 2019ko Azaroaren 1a
Apezpikuen presondegia | Donibane Garazi (Nafarroa Beherea)
Les Hivernales
2013ko Azaroaren 5a > 2013ko Azaroaren 10a
Kongresuen Egoitzan | Paris-Montreuil (France)
Erakusketa pertsonala
2013ko Martxoaren 15a > 2013ko Martxoaren 30a
Kultur Etxea | Elgoibar (Gipuzkoa)
Les Hivernales
2012ko Abenduaren 12a > 2012ko Abenduaren 16a
Kongresu Zentroa | Paris-Montreuil (France)
Erakusketa pertsonala
2012ko Azaroaren 27a > 2012ko Abenduaren 10a
Udal plenoaren aretoan | Oiartzun (Gipuzkoa)
Erakusketa pertsonala
2012ko Uztailaren 2a > 2012ko Uztailaren 31a
Atalante Zinearen aretoa | Baiona (Lapurdi)
Erakusketa pertsonala
2011eko Irailaren 29a > 2011eko Urriaren 9a
Zelai Aristi aretoa | Zumarraga (Gipuzkoa)
Erakusketa pertsonala
2011eko Urtarrilaren 3a > 2011eko Urtarrilaren 31a
Elkar dendaren aretoa | Baiona (Lapurdi)
Zeruertz desberdinak II
2010eko Urriaren 2a > 2010eko Abenduaren 4a
ItzalAktiboa | Donibane Garazi (Nafarroa Beherea)
Inkontzientearen Adierazpenak
2010eko Agorrilaren 16a > 2010eko Agorrilaren 31a
Kalostrape | Baiona (Lapurdi)